الاثنين، 13 فبراير، 2012

بمناسبة عيد الحب ....حكاية الشخص الاحبه




العراق ..........................
 شخص حلو وقوي وشهم وشجاع وابن عائلة محترمة ونسب قوي ومثقف جدا يعني كامل والكمال لله بس مشكلته الوحيدة انه ماحد يقدره ولا حتى بكلمة شكر لا من اهله ولا من جيرانه ولا من اقاربه يمكن عنده كم صديق غريب ينعدون عالاصابع بس بعيدين عليه خطية ومايكدرون يسووله شي لان كلما يحاولون يقتربون منه لو يتصلون بي راسا اهله لو جيرانه لو اقاربه يكلبون الدنيا ولازمين اسلحتهم وماحوطيه ومايخلون احد من اصدقائه الاوفياء يجي يزوره مثلا حتى لو كان هذا الصديق بي فايدة فهذولة الحوالين العراق مايخلوه يقترب منه يعني لايرحمون ولا يخلون رحمة الله تنزل.
هذا الشخص ( العراق طبعا ) اتحمل بلاوي مشاكل وصلت للدم من اهله وجيرانه الي يكرهوه يموتون منه واخوته واقاربه كلهم ومع ذلك هو فاتحلهم بينه وخيره منصوب الهم 24 ساعة ويغرفون ويتفلون عليه وراها بدل مايشكروه ويكلوله رحم الله والديك مثلا.!!!!
اجوي شكولات شكولات ببيته وتحمل البعثيين وصدام وبلاويه والارهابيين والطائفيين ووسخ حضنه من دمائهم ولوث راسه من افكارهم الوسخة ووجهه هم شوية توسخ من صخامهم ودخان اسلحتهم الغبية ومع كل هذا هو ساكت وكام واكف على حيله ونظف نفسه منهم وستعد هم يستقبل اي احد ببيته ومايكول شي بالعكس يتمنى الكل يزولاه ويحب كل الناس ........ شكد رائع هذا الشخص !!!
 كل هاي البلاوي وهو مامل وماضاج وماكره احد من هذولة الاعداء الي اني اسميهم الحاليه وكل هذا ومافكر يطلب لجوء لو يهاجر رغم اهله كم مرة زعلو منه ويتركوه وحده بيد اليسوة والمايسوة وهم يرجعوله لان مايلكون احسن منه والمصيبة اكو ناس كاعدين ببيته وياكلون من خيره ومع ذلك يحجون عليه على ابو هو شانطانه وشسوالنه !!!!! شلون قباحة زين دشوفوا نفسكم انتوا شسويتوله لهذا الشخص خطية ؟ شو توسخوه وهو ساكت وتبهذلوه وهو ساكت وتبوكوه وهو ساكت وتعوروه وهو ساكت ومتحملكم وتاليها تحجون عليه !!!!!!!!!!!!!!!!!!!!!!!!! اويلي شلون جحود انساني رهيب هم زين هو مو انسان مثلكم والا هم جان صار مثلكم .................
العراق شخصية دولية قوية كل الدنيا تحسبلها حساب لذلك اني احبه واكله شكرا واعتذر منه اذا مقصره ويا وهو يعرف ليش اني تاركته وراح ابقى احبه شكد ماتلوموني على حبه مايهمني كلامكم ...........

هناك تعليق واحد:

  1. عزيزتي اسراء اريدك ان تعلمي ان هذا الشخص لايحبك لوحدك لانه يعيش حالة من الحب مع ملايين الاشخاص وربما يكون حبه لبعضهم من طرف واحد ... ولكنه رغم ذلك يحضنهم جميعاً

    ردحذف